Rutte kallar eftir stórbreytingum í varnarmálum

Mark Rutte, fram­kvæmda­stjóri NATO, kallaði eft­ir stór­breyt­ing­um í varn­ar­getu banda­lags­ins í dag. Meðal ann­ars hvet­ur hann til „400 pró­senta aukn­ing­ar“ í loft- og eld­flauga­vörn­um til þess að verja banda­lags­rík­in gegn Rúss­um. 

„Við sjá­um í Úkraínu hvernig Rúss­ar beita skelf­ingu í lofti, svo við mun­um styrkja varn­ir okk­ar til að vernda loft­helg­ina,“ sagði hann í ræðu á ráðstefnu hug­veit­unn­ar Ch­at­ham Hou­se í Lund­ún­um. 

Rutte sagði að til þess að viðhalda fæl­ing­ar­mætti NATO þyrfti að auka varn­irn­ar um 400%. 

„Staðreynd­in er að við þurf­um stór­breyt­ing­ar í sam­eig­in­leg­um vörn­um okk­ar.“

Rutte fund­ar með Keir Star­mer, for­sæt­is­ráðherra Bret­lands, í dag í Down­ingstræti. 

Síðar í mánuðinum fer síðan fram leiðtoga­fund­ur NATO í Hollandi. 

Frétt af mbl.is

Áhersla á veru­lega auk­in fram­lög til varn­ar­mála

Rúss­ar for­dæma um­mæl­in 

Um­mæli Rutte voru fljót­lega for­dæmd af rúss­nesk­um stjórn­völd­um. 

„NATO er að sýna sig sem verk­færi árás­argirni og átaka,“ sagði Dmítrí Peskov, talsmaður rúss­neskra stjórn­valda, við blaðamenn í Moskvu. 

• Blogga um frétt