Tyrkir fordæma stöðvun skútunnar
Setja bókamerki
Yfirvöld í Tyrklandi fordæmdu Ísraelsmenn fyrir að stöðva skútu Gretu Thunberg og ellefu annarra aðgerðarsinna við Gasaströnd í nótt.
„Afskipti ísraelska hersins af Madleen-skútunni á meðan hún sigldi á alþjóðlegu hafsvæði er skýrt brot á alþjóðalögum,“ sagði í yfirlýsingu Tyrkja. Sagði að um „ógeðfellda árás“ af hálfu ríkisstjórnar Benjamíns Netanjahús forsætisráðherra Ísraels væri að ræða.
Madleen-skútan lagði af stað frá Ítalíu með hjálpargögn 1. júní.
Í tilkynningu frá Freedom Flotilla Coalition, samtökunum sem eiga skútuna, „stöðvuðu ísraelskar hersveitir skútuna með valdi“ klukkan 3:02 í nótt, klukkan 1:02 á íslenskum tíma, er hún nálgaðist Gasa.
Hryðjuverkasamtökin Hamas fordæmdu aðgerðir Ísraelsmanna og sögðu í tilkynningu að skútan hefði verið flutt til ísraelsku hafnarinnar Ashdod.
Koma ríkisborgurunum til síns heima
Tyrkneska utanríkisráðuneytið sagði að tyrkneskir ríkisborgarar hefðu verið um borð. Alls voru tólf um borð frá sjö löndum.
Frönsk yfirvöld greindu frá því að þau myndu tryggja heimkomu Frakkanna sem voru um borð.
Talsmaður Emmanuels Macrons Frakklandsforseta sagði að sex franskir ríkisborgarar hefðu verið um borð skútunnar og að „þeim verði leyft að snúa aftur til Frakklands eins fljótt og auðið er“.
Tregðan við að deila gögnum „ bara skrýtin“
Meintur árásarmaður úrskurðaður í gæsluvarðhald
„Ótrúlegar“ björgunaraðgerðir í Ólafsfirði
Menntun og geðheilbrigði úkraínskra barna í forgrunni
Bandaríkjunum verði svarað fyrir árásirnar
Skoða lögmæti og endursölu á vörum Temu
Leiðtogar bregðast við árásum Bandaríkjamanna