Stungin til bana úti á götu

Kona lést í Hø­nefoss í Nor­egi í morg­un eft­ir að maður lagði hana eggvopni ít­rekað á fjöl­far­inni versl­un­ar­götu þar í bæn­um og lyktaði at­lögu manns­ins – sem réðst gegn viðbragðsaðilum er þeir komu á vett­vang – með því að lög­regla skaut hann.

Það var laust fyr­ir klukk­an ell­efu í morg­un að norsk­um tíma, níu á Íslandi, að fjöldi manns í miðbæ Hø­nefoss í fylk­inu Buskerud hringdi í neyðarlínu og til­kynnti um átök í versl­un­ar­göt­unni, nokkr­um til­kynn­ing­anna fylgdu þær upp­lýs­ing­ar að maður væri þar með hníf á lofti.

Sendi lög­regla all­ar til­tæk­ar bif­reiðar á vett­vang ásamt sjúkra­flutn­inga­fólki og hitt­ist kon­an fyr­ir er að var komið, þungt hald­in af sár­um sín­um. Var hún flutt á sjúkra­hús með for­gangi, en úr­sk­urðuð lát­in skömmu eft­ir að þangað var komið.

Skot­inn í lærið

„Þetta var ekki til­vilj­un­ar­kennd­ur at­b­urður,“ seg­ir Marius Fredrik­sen, sem stjórnaði aðgerðum lög­reglu á vett­vangi, við norska rík­is­út­varpið NRK, „fólk hef­ur ekki ástæðu til að ótt­ast að hér verði um frek­ari hættu að ræða.“

Gef­ur lög­regla það upp í frétta­til­kynn­ingu að hátt­semi árás­ar­manns­ins hafi gefið lög­regluþjón­um á vett­vangi til­efni til að draga upp skot­vopn og lyktaði mál­um svo að hann var skot­inn í lærið. Var hann í kjöl­farið færður á sjúkra­hús og verður yf­ir­heyrður þegar ástand hans leyf­ir. Hon­um hef­ur ekki verið skipaður verj­andi á skrif­andi stundu.

TV2 birt­ir mynd­skeið frá veg­far­anda á vefsíðu sinni sem sýn­ir þegar lög­reglumaður skýt­ur árás­ar­mann­inn í lærið. Skjá­skot/​Mynd­skeið veg­far­anda

Lög­regla hef­ur látið uppi að tengsl hafi verið milli árás­ar­manns­ins og hinn­ar myrtu, en kýs að tjá sig ekki nán­ar um hvernig þeim var háttað.

Mats Henrik­sen ákæru­valds­full­trúi lög­reglu seg­ir við NRK að vitni á staðnum hafi blandað sér í átök­in og þetta staðfest­ir Gita Narku­viene, sem rek­ur naglasnyrti­stofu við göt­una, í sam­tali við dag­blaðið VG. Seg­ir hún að maður hafi stöðvað bif­reið sína, hlaupið út úr henni og tekið sér stöðu yfir kon­unni þar sem hún lá á göt­unni, til að hindra frek­ari at­lög­ur árás­ar­manns.

„Það var mikið blóð“

NRK ræðir við Erik Sunn­voll sem var ak­andi á leið heim til sín. Seg­ist hann hafa heyrt mik­il óp og hávaða frá versl­un­ar­göt­unni áður en lög­reglu­s­ír­en­ur yf­ir­gnæfðu allt. „Svo heyrði ég háan hvell,“ seg­ir Sunn­voll. Kveðst hann enn frem­ur hafa séð kon­una á göt­unni og lög­reglu­mann sem lá ofan á henni. „Það var mikið blóð,“ seg­ir hann að lok­um.

Að sögn Henrik­sens ákæru­valds­full­trúa hef­ur lög­regla fundið vopnið sem maður­inn er grunaður um að hafa beitt og mun fljót­lega taka ákvörðun um hvort gæslu­v­arðhalds verði kraf­ist yfir hon­um. Ókunn­ugt er um meiðsli hans að svo búnu.

Svo sem hefð er fyr­ir þegar norsk­ir lög­reglu­menn hleypa af skot­vopn­um sín­um við skyldu­störf hef­ur rann­sókn­ar­nefnd í innri mál­efn­um lög­reglu, spesia­len­heten for politisa­ker, hafið rann­sókn á at­vik­inu auk þess sem rann­sókn­ar­lög­regl­an Kripos aðstoðar við vett­vangs­rann­sókn og trygg­ingu verks­um­merkja þar. Kem­ur þetta fram í frétta­til­kynn­ingu frá rann­sókn­ar­nefnd­inni.

NRK

VG

TV2

Dag­bla­det

• Blogga um frétt