„Hann ætti að þakka mér“
Björn Diljan Hálfdanarson
Setja bókamerki
Allt hefur verið með kyrrum kjörum í Los Angeles undanfarna tvo daga að sögn Donalds Trumps Bandaríkjaforseta eftir að þjóðvarðlið og sjóliðar voru sendir til borgarinnar til að brjóta mótmælin á bak aftur.
Mótmælin, sem hófust í síðustu viku, hafa verið mjög umfangsmikil. Fólk hefur meðal annars kveikt í bílum og kastað grjóti á lögreglumenn.
„Okkar frábæru þjóðvarðliðar, með smá hjálp frá landgönguliðum, settu lögregluna í Los Angeles í þá stöðu að geta sinnt starfi sínu af skilvirkni,“ skrifaði Trump í færslu á samfélagsmiðli sínum Truth Social. Hann bætti við að án herliðsins væri borgin „verri glæpavettvangur en við höfum séð í mörg ár“.
Trump fyrirskipaði að þúsundir þjóðvarðliða og um 700 landgönguliðar yrðu sendir til borgarinnar, þrátt fyrir mótmæli Gavin Newsom, demókrata og ríkisstjóra Kaliforníu. Þetta er í fyrsta sinn í áratugi sem forseti Bandaríkjanna grípur til slíkra aðgerða í ríkjum án samþykkis stjórnvalda þar.
Í færslu sinni sagði Trump að Newsom „hefði algjörlega misst tökin á ástandinu“. Hann bætir við að í stað þess að reyna að réttlæta mistök sín og vanhæfni ætti Newson að þakka Trump fyrir að bjarga honum.
Enn landris undir Svartsengi
Eldsvoðinn í nótt: „Hrikalegt áfall“
Eldur kom upp í Efnalauginni við Háaleitisbraut
Ráðuneytið fékk viðvörun: „Þetta er hreinasti óþarfi“
Sjóvá býður nú upp á meðgöngutryggingu
Sló í brýnu í þingsal