78 eru látn­ir og meira en 320 hafa særst í árás­um Ísra­els­manna á Íran síðasta sól­ar­hring­inn. Þá hafa 34 særst í gagnárás­um Írana á Ísra­el.

Amir Sa­eid Ira­vani, sendi­herra Írans hjá Sam­einuðu þjóðunum, sagði á neyðar­fundi ör­ygg­is­ráðs Sam­einuðu þjóðanna sem fram fór í kvöld að „villimann­leg og glæp­sam­leg árás“ Ísra­els og mark­viss­ar morðtil­raun­ir hafi beinst að hátt­sett­um emb­ætt­is­mönn­um í her lands­ins og vís­inda­mönn­um á sviði kjarn­orku­vís­inda en að „yf­ir­gnæf­andi meiri­hluti“ fórn­ar­lamba hafi verið al­menn­ir borg­ar­ar, þar á meðal kon­ur og börn.

Sam­einuðu þjóðirn­ar funda nú í New York. AFP/​Michael M. Santiago

Skýrt dæmi um rík­is­hryðju­verk

Sendi­herr­ann sagði að 78 manns hefðu lát­ist og yfir 320 særst í árás­um Ísra­els.

„Þessi grimmd­ar­verk eru skýrt dæmi um rík­is­hryðju­verk og gróft brot á alþjóðalög­um,“ sagði Ira­vani.

Írönsk yf­ir­völd hófu gagnárás á Ísra­el fyrr í kvöld þar sem eld­flaug­um var skotið á ísra­elsku borg­ina Tel Avív.

Tengd­ar frétt­ir

Átök á milli Ísra­els og Írans

„Við erum ekki í stríði við Íran“

• Á ann­an tug Íslend­inga í Íran og Ísra­el
• Krefjast þess að rík­is­stjórn­in for­dæmi árás­ir
• „Trump leit­ar friðar“
• Rúss­ar og Kín­verj­ar for­dæma árás Banda­ríkj­anna

» Fleiri tengd­ar frétt­ir

• Blogga um frétt