Reyna að lokka starfsmenn OpenAI til sín með „risatilboðum“

For­stjóri OpenAI, Sam Altman, seg­ir að starfs­menn fyr­ir­tæk­is­ins hafi fengið „risa­til­boð“ frá sam­keppn­isaðilan­um Meta, þar á meðal und­ir­skrift­ar­bónusa upp á 100 millj­ón­ir Banda­ríkja­dala, sem sam­svar­ar um 12,5 millj­örðum ís­lenskra króna.

Meta, sem á sam­fé­lags­miðlana Face­book, In­sta­gram og What­sApp, hef­ur verið að auka um­svif sín í gervi­greind og keypti ný­verið 49% hlut í banda­ríska sprota­fyr­ir­tæk­inu Scale AI fyr­ir 14 millj­arða doll­ara. Sam­kvæmt Altman hef­ur þó „að minnsta kosti hingað til“ eng­inn úr lyk­ilteymi OpenAI fall­ist á til­boð Meta, seg­ir í frétt BBC um málið.

Í hlaðvarpi bróður síns, Jack Altman, ræddi Sam um sam­keppn­ina við Meta og sagði að fyr­ir­tækið væri að bjóða mun hærri heild­ar­laun á árs­grund­velli en OpenAI, þótt hann hafi ekki út­skýrt nán­ar hvort um væri að ræða bein­ar greiðslur, hluta­bréf eða aðra hvata. Hann sagðist þó telja að starfs­menn væru áfram hjá OpenAI vegna þeirr­ar framtíðar­sýn­ar sem fyr­ir­tækið hafi í þróun of­ur­greind­ar og mögu­legra efna­hags­legra ávinn­inga tengd­um henni.

Of­ur­greind ekki langt und­an

Of­ur­greind er næsta stig í þróun gervi­greind­ar, þar sem mark­miðið er að hún fari um­tals­vert um­fram vits­muna­lega getu manna. OpenAI og fleiri tæknifyr­ir­tæki telja að al­menn gervi­greind (AGI), þar sem gervi­greind get­ur leyst verk­efni jafnt eða bet­ur en mann­fólk, sé ekki langt und­an.

Í janú­ar til­kynnti OpenAI um sam­starf við fjár­festa um að reisa ný gagna­ver fyr­ir sam­tals 500 millj­arða doll­ara til að knýja áfram gervi­greind í Banda­ríkj­un­um. Altman sagði í hlaðvarp­inu að hann teldi OpenAI lík­legra en önn­ur fyr­ir­tæki til að skila raun­veru­legri of­ur­greind og verða á end­an­um verðmæt­ara fyr­ir­tæki.

Hann sagðist virða Meta sem fyr­ir­tæki og viður­kenndi að sam­keppn­in væri skyn­sam­leg. Hins veg­ar efaðist hann um að Meta væri sér­lega ný­sköp­un­ar­drifið og líkti aðferðum þess við þróun of­ur­greind­ar við mis­heppnaða til­raun Google til að stofna sam­fé­lags­miðil til að keppa við Face­book.

Aðgerðir sam­keppn­isaðila umræðuefni

Um­mæli Altman eru nýj­asta dæmið um for­ystu­fólk í tækni­heim­in­um sem lýs­ir op­in­skátt skoðunum sín­um á aðgerðum sam­keppn­isaðila, ekki síst í vin­sæl­um hlaðvörp­um. Í janú­ar sagði Mark Zucker­berg, stofn­andi Meta, í hlaðvarpi Joe Rog­an að iP­ho­ne væri „aug­ljós­lega ein af mik­il­væg­ustu upp­finn­ing­um lík­lega allra tíma,“ en gagn­rýndi um leið skort Apple á ný­sköp­un síðustu ár.

Zucker­berg hef­ur jafn­framt átt í op­in­ber­um orðaskipt­um við Elon Musk, for­stjóra Tesla og sam­fé­lags­miðils­ins X, þar sem þeir hafa meðal ann­ars hótað hvor öðrum bar­daga í búri. Musk er um þess­ar mund­ir einnig í laga­leg­um deil­um við Sam Altman vegna stofn­un­ar OpenAI.