Segist hafa bjargað lífi Khamenei
Setja bókamerki
Donald Trump Bandaríkjaforseti sagði á samfélagsmiðlinum Truth Social í dag að hann hefði bjargað lífi Ayatollah Ali Khamenei, æðsta klerks og leiðtoga Íran, þar sem til hafi staðið að ráða hann af dögum.
„Ég bjargaði honum frá ljótum og niðurlægjandi dauða og hann ætlar ekki (einu sinni) að segja „Takk Trump forseti“,“ sagði Trump.
Orðin lét Trump falla í kjölfar þess að Khamenei hélt því fram að árás Bandaríkjamanna á kjarnorkustöð í Frodo í síðustu viku hefði ekki skilað neinu. Þá hefur Khamenei sagt við landa sína að Íran hafi unnið átökin.
Þessu er Trump ekki sammála og sakar Khamenei um vanþakklæti.
Myndi hiklaust sprengja Íran aftur
„Ég vissi nákvæmlega hvar hann dvaldi og leyfði hvorki Ísraelsmönnum né bandaríska hernum, sem er sá langstærsti og öflugasti í heiminum, að binda enda á líf hans,“ sagði Trump.
Þá bætti Trump því við að hann myndi hiklaust varpa fleiri sprengjum á Íran ef hann kæmist á snoðir um að áætlanir um að koma upp kjarnavopnum væru í gangi. Eins ef sannanir kæmu fram þess efnis að fyrri árás hefði ekki skilað tilætluðum árangri.
„Þetta er ekki eins og að skipta um íbúð“
Létu gera áhættumat: Furðar sig á „óðagoti“
Neikvæð áhrif á vottanir
Uppbygging þurfi að standa yfir í langan tíma
Óskar fundar í velferðarnefnd
Tíu þúsund farþegar og mikið líf á Skarfabakka
„Það hefur bara ekki verið á okkur hlustað“