Loftárásir tafið kjarnorkuáætlun um allt að tvö ár
Setja bókamerki
Loftárásir Bandaríkjanna á kjarnorkurannsóknarstöðvar í Íran töfðu kjarnorkuáætlun landsins um allt að tvö ár, að því er segir í nýrri skýrslu varnarmálaráðuneytis Bandaríkjanna sem kom út í dag.
„Samkvæmt greiningum innan ráðuneytins höfum við tafið áætlun þeirra um eitt til tvö ár að minnsta kosti,“ segir talsmaður bandaríska varnarmálaráðuneytisins, Sean Parnell.
„Við hugsum að það sé líklega nær tveimur árum,“ bætir hann við.
Kjarnorkuáætlun Írans umdeild
B-2 sprengiflugvélar Bandaríkjanna með GBU-57 sprengjur innanborðs hæfðu tvö rannsóknarsvæði í Íran í síðasta mánuði og Tomahawk-loftskeyti hæfðu það þriðja.
Loftárás Bandaríkjanna kom í kjölfar umfangsmikilla árása Ísraels á kjarnorkusvæði, -vísindamenn og hershöfðingja Írans til þess að binda endi á kjarnorkuáætlun hins íslamska ríkis.
Írönsk stjórnvöld segja rannsóknir sínar á kjarnorku miða að því að bæta lífskjör borgara, en önnur ríki draga þær fullyrðingar í efa og segja áætlunina miða að framleiðslu kjarnorkuvopna.
Nú síðast sleit íranska löggjafarvaldið samstarfi við Alþjóðakjarnorkumálastofnun Sameinuðu þjóðanna.
Mælir fyrir breytingum á veiðigjaldafrumvarpinu
Út fyrir hefðbundnar slóðir á Vestfjörðum
Ursula von der Leyen á leið til landsins
Handbókardrög þjóðkirkjunnar kærð
Flugslys í Bretlandi
Hefði viljað ná enn fleiri málum í gegn