Sendir Úkraínu vopn en greiðir ekki fyrir þau
Setja bókamerki
Tengdar fréttir
Úkraína
Sérstakur erindreki Bandaríkjanna, Keith Kellogg, er kominn til Kænugarðs til viðræðna eftir að Donald Trump Bandaríkjaforseti tilkynnti að Bandaríkin myndu útvega Úkraínu nýtt Patriot-loftvarnarkerfi.
Bandarísk yfirvöld gáfu það út fyrr í júlí að þau myndu gera hlé á hluta vopnasendinga sinna til Úkraínu en síðan hefur Trump skipt um stefnu og gagnrýnt Vladimír Pútín Rússlandsforseta fyrir að gera auknar árásir á Úkraínu á sama tíma og friðarviðræður milli landanna undir forystu Bandaríkjanna stöðvuðust.
„Við bjóðum Keith Kellogg, sérstakan fulltrúa Bandaríkjanna, velkominn til Úkraínu,“ skrifaði Andriy Yermak, aðstoðarmaður Volodimírs Selenskís forseta, á Telegram í morgun og bætti við: „Friður í gegnum styrk er grundvallarregla Donalds Trump Bandaríkjaforseta og við styðjum þessa nálgun.“
Þurfa sárlega á kerfinu að halda
„Við munum senda þeim Patriot-kerfi, sem þeir þurfa sárlega á að halda,“ sagði Trump við fjölmiðla í gær, án þess að tilgreina hversu mörg vopn yrðu send.
Trump bætti þó við að Bandaríkin myndu ekki greiða fyrir vopnin.
Á sama tíma og heimsókn Kelloggs til Úkraínu stendur yfir mun Bandaríkjaforseti funda með Mark Rutte, framkvæmdastjóra NATO, í Washington.
Rússnesk yfirvöld hafa aukið loftárásir á Úkraínu undanfarna mánuði og sent hundruð árásardróna þangað nánast daglega.
Tengdar fréttir
Úkraína
Lýsa hræðilegri dvöl sinni í fangelsinu
Furða sig á ákvörðun Samkeppniseftirlitsins
Biðla til fólks að fara sparlega með rafmagn
Grjóthrunsstaður ekki ofarlega í forgangsröðun
Fengu grjótið lánað
Starfaði undir sérstöku eftirliti
/frimg/1/58/88/1588826.jpg)
Tveir staðir mest kenndir við Gjaldskyldu
Ný tillaga um vopnahlé