Vegfarendur á Norður- og Vesturlandi eru varaðir við mögulegum slitlagsblæðingum og að slitlagskögglar sem brotna af bílum geta verið varasamir. Mikilvægt að draga úr hraða þegar bílar mætast, segir í tilkynningu frá Vegagerðinni.
Það eru hálkublettir í kringum Vík í Mýrdal og á Mosfellsheiði. Hálka er í Grafningi og á Kjósarskarðsvegi. Á Vesturlandi eru hálkublettir á Fróðárheiði en annars staðar er autt.
Á Vestfjörðum er hálka á Þröskuldum og Steingrímsfjarðarheiði en hálkublettir á Hálfdáni, Mikladal og Kleifaheiði. Einnig eru hálkublettir á kafla í Ísafjarðardjúpi og á Innstrandavegi. Þæfingsfærð er á leiðinni norður í Árneshrepp.
Hálkublettir eru víða á vestanverðu Norðurlandi, einkum á útvegum, en hringvegurinn er auður austur að Eyjafirði, þó eru hálkublettir á Öxnadalsheiði. Í Þingeyjarsýslum er víða nokkur hálka. Hálka og éljagangur er á Hófaskarði og með ströndinni að Vopnafirði.
Það er hálka allvíða á Austurlandi, einkum á fjallvegum og til landsins. Þæfingsfærð og skafrenningur er á Fjarðarheiði.
Snjóþekja og snjókoma er á Fagradal og Oddsskarði. Snjóþekja og éljagangur eða snjókoma er með ströndinni frá Reyðarfirði að Öræfum. Á Suðausturlandi er víða hálka eða hálkublettir.