Þrátt fyrir að fram hafi komið síðdegis að viðræður í kjaradeilu lækna þokist í rétta átt hefst verkfall á miðnætti ef ekki verður samið fyrir þann tíma. Hver verkfallslota mun ná yfir fjórar vikur og starfseiningar verða í verkfalli í fjóra daga í senn, frá mánudegi til fimmtudags.

Tæplega 85% atkvæðisbærra lækna tóku í byrjun desember þátt í atkvæðagreiðslu um það hvort herða ætti verkfallsaðgerðir. Tæplega 98% samþykktu þær verkfallsaðgerðir sem hefjast að óbreyttu á miðnætti.

Þetta hefur í för með sér að frá miðnætti til miðnættis fimmtudaginn 8. janúar 2015 verður verkfall á eftirtöldum heilbrigðisstofnunum/sjúkrahúsum eða sviðum sjúkrahúss og opinberum stofnunum þar sem læknar starfa:

• Aðgerðarsvið Landspítala
• Flæðisvið Landspítala
• Sjúkratryggingar Íslands
• Tryggingastofnun ríkisins
• Greiningarstöð ríkisins f. Heyrnar- og talmeinastöð Íslands
• Vinnueftirlit ríkisins
• Lyfjastofnun Íslands
• Embætti landlæknis
• Þjónustu- og þekkingarmiðstöð fyrir blinda, sjónskerta og daufblinda einstaklinga

Gunnar Björnsson, formaður samninganefndar ríkisins, sagði síðdegis að viðræðurnar gangi ágætlega. „Viðræðunum miðar þokkalega en þó er lítill munur á árangri dagsins og þeim sem hefur verið síðustu vikur. Það er alltaf von þrátt fyrir að svo fari að þetta fyrsta verkfall verði veruleiki. Ef við náum ekki samkomulagi í kvöld þá verður fundað á morgun og alveg út vikuna ef þörf krefur.“

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• Blogga um frétt