Áslaug Arna Sig­ur­björns­dótt­ir, fyrr­um formaður Heimdall­ar, bauð sig fram til embætt­is rit­ara Sjálf­stæðis­flokks­ins á ell­eftu stundu í dag. Hún og sitj­andi rit­ari flokks­ins, alþing­ismaður­inn Guðlaug­ur Þór Þórðar­son, eru því tvö í fram­boði.

Áslaug sagði að ungliðum inn­an flokks­ins væri al­vara með að láta hlusta á sig. „Það ger­ist ekki nema við gef­um kost á okk­ur,“ sagði hún.

„Við, ungt fólk í Sjálf­stæðis­flokkn­um, höf­um fulla trúa á að flokk­ur­inn geti svarað kalli tím­ans,“ sagði hún og bætti við að ung­ir sjálf­stæðis­menn vildu minna íhald og meira frelsi.

Hún sagði að ekki yrði litið fram­hjá því að nú séu við stjórn­völl­inn þrír þing­menn á of­an­verðum fimm­tugs­aldri og bætti við að styrk­ur væri fólg­inn í breiðu ald­urs­bili.

„Hvað seg­ir meira að ungt fólk sé vel­komið en að bjóða það vel­komið í for­ystu flokks­ins?“ sagði Áslaug og vísaði til þess að flokk­ur­inn þyrfti að sýna traust í verki.

Nýr rit­ari flokks­ins verður kos­inn á morg­un.

Tengd­ar frétt­ir

Lands­fund­ur Sjálf­stæðis­flokks­ins 2015

Frjáls­lyndið í fyr­ir­rúmi

• Sjálf­stæðis­menn vilja heim­ila staðgöngu­mæðrun og líkn­ar­dráp
• Bjarni end­ur­kjör­inn formaður
• „Ég er bara orðlaus“
• 89% breyt­inga ungra sjálf­stæðismanna samþykkt­ar

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Jón Snæ­björns­son: Til ham­ingju Áslaug ....
• Jó­hann­es Ragn­ars­son: Upp­lýst að rit­ar­inn kann ekki að rita og þekk­ir mjög …