Verkbann á vélstjóra 20. janúar

„Við erum að reyna að meta stöðuna, átta okkur á því hvaða atriði urðu þess valdandi að kjarasamningurinn var felldur,“ segir Guðmundur Ragnarsson, formaður vélstjóra og málmtæknimanna (VM).

Félagsmenn hittast nú um land allt til að undirbúa næstu skref í kjaraviðræðum við Samtök fyrirtækja í sjávarútvegi (SFS). Næsti fundur samninganefnda fer fram 5. janúar hjá ríkissáttasemjara.

SFS tilkynnti VM á dögunum að sett yrði verkbann á félagsmennina 20. janúar. „Ég bjóst við þessu, þeir eru að búa sig undir að þetta verði hörð átök og þá er þetta bara eðlilegt ferli af þeirra hálfu,“ segir Guðmundur.