Innlent | Morgunblaðið | 29.5.2019 | 5:30 | Uppfært 6:15

Ráðherrar bregðast við ógn

Þórdís Kolbrún Reykfjörð Gylfadóttir. mbl.is/Kristinn Magnússon

„Það er mjög mikilvægt að bregðast við þeirri stöðu sem lýst er í skýrslu greiningardeildar ríkilögreglustjóra af festu og ábyrgð,“ segir Þórdís Kolbrún Reykfjörð Gylfadóttir dómsmálaráðherra um áhættumatsskýrslu lögreglunnar.

Frétt af mbl.is

Aukin áhætta vegna skipulagðra glæpa

Þar kemur fram að áhætta vegna helstu brotaflokka skipulagðrar glæpastarfsemi á Íslandi fer enn vaxandi og er metin í hæsta áhættuflokki, eða sem „gífurleg áhætta“. Einnig kemur fram að með óbreyttu skipulagi hefur lögreglan mjög litla getu til að takast á við þessa tegund brotastarfsemi.

Dómsmálaráðherra og forsætisráðherra hafa brugðist við niðurstöðum skýrslunnar og fyrirsjáanlegri þróun þessara mála hér á landi með því að skipa samráðshóp til að skilgreina nauðsynlegar aðgerðir, forgangsraða þeim og fjármagna. „Þessari ógn við samfélag og einstaklinga á Íslandi verður mætt með samhentu átaki ríkisstjórnarinnar,“ segir Þórdís í umfjöllun um mál þetta í Morgunblaðinu í dag. Hún tekur fram að þegar hafi verið gripið til ýmissa aðgerða til að mæta skipulagðri brotastarfsemi.