Katrín Jakobsdóttir forsætisráðherra hefur ákveðið fyrir hönd ríkisins að una dómi Héraðsdóms Reykjavíkur í máli tveggja barna Sævars Ciesielski gegn íslenska ríkinu. Sá fyrirvari er þó að ef þau áfrýja áskilur ríkið sér rétt til gagnáfrýjunar.

Málið var rætt á fundi ríkisstjórnar í morgun, að því er segir í tilkynningu.

Með dómi héraðsdóms þann 24. mars síðastliðinn voru bætur barna Sævars Ciesielski, hvors um sig, hækkaðar úr 47,8 milljónum króna í 77 milljónir.

Frétt af mbl.is

Að einhverju leyti táknrænn gjörningur

Reynist héraðsdómurinn endanlegur hefur forsætisráðherra í hyggju að bjóða þremur öðrum börnum Sævars, sem ekki áttu aðild að dómsmálinu, sömu hækkun bótafjárhæðar.

Jafnræðisrök leiða að því að þar sem ríkið hyggist una niðurstöðu héraðsdóms eigi það sama að gilda um dánarbú Tryggva Rúnars Leifssonar. Mál dánarbúsins er fyrir Hæstarétti og mun forsætisráðherra bjóða fram sátt í málinu áður en til málflutnings kemur, segir í tilkynningunni.

Landsréttur hækkaði með dómi í desember síðastliðnum bætur til Guðjóns Skarphéðinssonar og dánarbús Kristjáns Viðars Júlíussonar.

Frétt af mbl.is

Fengu greiddar bætur úr ríkissjóði

Með lögum nr. 128/2019 var forsætisráðherra veitt heimild til að greiða bætur vegna sýknudóms Hæstaréttar í Guðmundar- og Geirfinnsmálum. Sú heimild féll úr gildi 30. júní 2020 en ekki er talin þörf á því að framlengja heimildina með lagabreytingu.

Tengdar fréttir

Guðmundar- og Geirfinnsmál

Telur sig vita hvað gerðist

• „Fyrsta varðan í áttina að afbrotafræðinni“
• Nýju ljósi varpað á Guðmundar- og Geirfinnsmál
• Ríkið þarf að greiða Alberti 26 milljónir
• „Þetta er auðvitað algjörlega galið“

» Fleiri tengdar fréttir

• Blogga um frétt