Mikill vatnselgur víða á höfuðborgarsvæðinu
Setja bókamerki
Tengdar fréttir
Frost á Fróni
Mikill vatnselgur er víða á höfuðborgasvæðinu sem stendur. Vatnsveðrið hefur ekki náð hámarki enn sem komið er og búast má við að færð spillist enn frekar eftir sem líður á daginn.
Lögreglan á höfuðborgarsvæðinu segir skyggni slæmt, mikla hálku víða þar sem klaki hefur myndast og eru vegfarendur hvattir til að fara varlega.
Þá er gul veðurviðvörun í gildi á höfuðborgarsvæðinu, Suðurlandi, Faxaflóa, við Breiðafjörð og á miðhálendinu.
Betra að fara Þrengslin
Þá er þungfært á Hellisheiði og betri kostur að keyra Þrengslin þessa stundina. Hálkublettir og vatnselgur er á Reykjanesbraut en flughált er á Suðurstrandarvegi.
Á vef Vegagerðarinnar eru vegfarendur hvattir til að fylgjast vel með veðri og færð á Kjalarnesi, í Þrengslum, á Mosfellsheiði og Hellisheiði, þar sem færð getur spillst og vegir jafnvel lokast.
Nýjasta veðurspá fyrir höfuðborgarsvæðið er eftirfarandi: Suðaustan 15-23 m/s og rigning. Snýst í sunnan 10-15 m/s um hádegi með talsverðri úrkomu um tíma. Hlýnandi veður, hiti 6 til 9 stig seinnipartinn.
Tengdar fréttir
Frost á Fróni
Bjarni: „Lítil tíðindi í þessum tölum“
Lenti í hálkuslysi skömmu eftir kosningar
Ætla að fara yfir hvað fór úrskeiðis
Vaka hf. lýst gjaldþrota
Þessi eru í starfshópum verðandi ríkisstjórnar
Íbúar segjast varnarlausir
Þorgerður geti virkað sem límið í samstarfinu
