Þjóðvegur 1 er nú opinn fyrir umferð allan hringinn.

Fyrr í dag var vegurinn enn lokaður á tveimur köflum, annars vegar á Öxnadalsheiði og hins vegar frá Kirkjubæjarklaustri og austur að Höfn í Hornafirði, eftir lægðina sem gekk yfir landið í gær og í nótt.

Vinna að mokstri

Samkvæmt upplýsingum á vef Vegagerðarinnar hefur vegurinn um Öxnadalsheiði nú verið opnaður.

Það sama gildir um vegkaflann fyrir sunnan Vatnajökul, en enn er þó krap á veginum frá Jökulsárlóni og að Höfn. Vinnur Vegagerðin að mokstri þar.

Víða annars staðar er varað við hálku eða hálkublettum á vegum.

Tengdar fréttir

Veðraskil í janúar 2023

Lægðir á leiðinni og mjög viðkvæm staða í spám

• Hringvegurinn lokaður á tveimur köflum
• Ófærðin mest í efri byggðum
• Nóttin róleg hjá björgunarsveitum
• Víða lokað en Hellisheiði opin

» Fleiri tengdar fréttir

• Blogga um frétt