Starfsemi glæpasamtakanna óvenjuleg
Setja bókamerki
Brasilíska alríkislögreglan segist hafa komist á snoðir um starfsemi glæpasamtaka sem Íslendingurinn Sverrir Þór Gunnarsson er sagður stjórna þegar staðsetning flugskýlis sem tengdist glæpastarfseminni var uppgötvuð.
Þessu greinir SBT News frá.
Þá sé rekstur glæpasamtakanna talinn nokkuð sérstakur vegna þess að þau selji margar tegundir fíkniefna í stórum og smáum skömmtum auk þess sem þau sjái einnig um inn- og útflutning efnanna. Þá nýti samtökin báta í flutningi á kannabisefnum en leiðirnar sem hafi verið notaðar til flutnings hafi meðal annars farið með ströndum Afríku.
Embætti ríkislögreglustjóra hefur ekki viljað staðfesta að Íslendingurinn sem um sé að ræða sé Sverrir Þór en brasilískir miðlar birtu nafn hans í tengslum við málið stuttu eftir handtöku. Tugir handtökuskipana voru gefnir út í tengslum við aðgerð gærdagsins sem ber heitið „Match Point.“
Stór aðgerð
Lögregluembætti í Brasilíu unnu að aðgerðinni í samvinnu við lögregluna á Ítalíu og Íslandi í gegnum Europol. Þá voru íslenskir lögreglumenn á staðnum þegar aðgerðin var framkvæmd.
Um 250 lögreglumenn tóku þátt í verkefninu og lagði lögregla hald á 65 kíló af kókaíni, 225 kíló af kannabisefnum og 57 fasteignir auk ökutækja og skipa ásamt því að loka fyrir bankareikninga 43 einstaklinga.
Lögreglan telur verðmæti eignanna sem gerðar voru upptækar geta numið um 150 milljóna brasilísks ríal eða um 4,2 milljörðum íslenskra króna.
Karl Stefán Valsson, yfirlögregluþjónn hjá ríkislögreglustjóra sagði í samtali við mbl.is í gær að aðgerðin hefði verið mánuði í undirbúningi.
/frimg/1/57/80/1578035.jpg)
Sérsveitin í aðgerðum í Sandgerði
NATO stendur sterkara eftir
Peningarnir fara ekki inn á erlendan bankareikning
Framboð raforku annar ekki eftirspurn
Tölvupóstar sem minna á hin alræmdu Nígeríubréf
Ríkisstjórnin meðvituð um vandamálin
Trump „sterkur og áhrifaríkur karakter“
„Þetta snerist um hvort það mætti segja ósatt“