Landsréttur sneri í dag við dómi Héraðsdóms Reykjavíkur, sem hafði áður gert íslenska ríkinu og flugvélaleigunni ALC að greiða Isavia 2,5 milljarða króna í skaðabætur. 

Teng­ist málið deil­um Isa­via og ALC um kyrr­setn­ingu á Air­bus-þotu gegn skuld­um flug­fé­lags­ins WOW air og niður­stöðu dóm­ara við Héraðsdóm Reykja­ness sem Isa­via taldi að hafi kom­ist að rangri niður­stöðu árið 2021 með sak­næm­um hætti.

Höfðaði Isa­via því skaðabóta­mál á hend­ur ís­lenska rík­inu og flug­véla­leig­unni ALC.

Niðurstaða héraðsdóms í því máli var að Isa­via hafi orðið fyr­ir tjóni og að ís­lenska ríkið og ALC bæri á því ábyrgð. Var þeim gert að greiða Isavia 2,5 milljarða króna.

Frétt af mbl.is

Ríkið og ALC áfrýja 2,5 milljarða dómi

Máttu ekki nota vélina sem tryggingu

Íslenska ríkið og ALC áfrýjuðu dómnum til Landsréttar sem komst í dag að þveröfugri niðurstöðu en héraðsdómur.

Komust dómarar Landsréttar að því að Isavia hefði mátt koma í veg fyrir að flugvélinni væri flogið á brott á meðan lendingargjöld af henni væru ógreidd.

Hins vegar hafði Isavia ekki mátt nota flugvélina sem tryggingu fyrir gjöldum af öðrum flugvélum sem WOW Air hafði á leigu.

Tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• 1 blogg um fréttina

Bloggað um fréttina

• Örn Gunnlaugsson: Að stíga í vitið...