Í gæsluvarðhaldi fram í júlí
Setja bókamerki
Enn er beðið eftir lífsýnarannsóknum og tæknigögnum vegna andláts konu á þrítugsaldri á Selfossi í apríl. Gæsluvarðhald yfir hinum grunaða hefur verið framlengt til 14. júlí en hann hefur setið í varðhaldi síðan 29. apríl.
„Við fórum fram á framlengingu á gæsluvarðhaldi í síðustu viku og héraðsdómur úrskurðaði tvær vikur, við fórum fram á fjórar vikur. Við kærðum það til Landsréttar og Landsréttur breytti því í fjórar vikur,“ segir Sveinn Kristján Rúnarsson, yfirlögregluþjónn hjá lögreglunni á Suðurlandi, í samtali við mbl.is.
Þegar lögreglan lýkur rannsókn sinni fer málið til héraðssaksóknara sem tekur ákvörðun um framhaldið.
Sveinn segir rannsóknina ganga vel, allt taki þetta þó sinn tíma.
„Þetta er mikið af gögnum sem við þurfum að láta greina fyrir okkur og vinna í, það er bara seinleg vinna, tekur bara tíma. Þannig það er ekkert sem kemur á óvart í sjálfu sér,“ segir Sveinn að lokum.
Eina leiðin var að fella björninn
Davíð Viðarsson var skyndihugdetta
Segja 20 liðsmenn Hisbollah látna
Of margir nemendur og ákall um hæft starfsfólk
Einróma stuðningur við virkjanir
Búið að fella björninn
Fjarskiptatæki um alla borg sprungu samtímis