Veðurstofu Íslands barst tilkynning frá landvörðum í Kerlingafjöllum um sterka lykt við Blágnípujökul í Hofsjökli eftir að skjálfti af stærðinni 3,0 reið þar yfir í gærkvöld. Nokkrir minni skjálftar fylgdu í kjölfarið.

Lyktin bendir til að gasmengun sé á svæðinu.

Að sögn náttúruvársérfræðings á veðurstofunni er jarðhitasvæði undir jöklinum. Segir hann möguleika á því að skjálftarnir tengist jarðhitakerfunum og lyktin sé tilkomin vegna þeirra.

Segir hann tilkynningar um sambærilega lykt í kringum Hofsjökul hafi borist áður, til dæmis árið 2017 og 2018. Í kjölfar lyktarinnar 2017 varð minniháttar hlaup undir jöklinum sem þó sáust engin merki um á vatnshæðar- eða skjálftamælum.

Tengdar fréttir

Hofsjökull

Ekki til gögn um stærri skjálfta: Virknin engu lík

• Tilviljun?
• Eldfjall sem þarf að taka mark á
• „Það var strax tekið eftir þessu“
• Gamlar eldstöðvar vakna til lífsins

» Fleiri tengdar fréttir

• Blogga um frétt