Sigurður Ingi Jóhannsson innviðaráðherra segir umfang einstakra þátta samgöngusáttmálans kalla á endurskoðun á tímalínu verkefnisins, auk þess sem hann telur eðlilegt að fara yfir kostnaðarhluta verkefnisins með tilliti til þess að samgönguvísitala hefur hækkað um 30%. 

„Við erum svona í uppfærslu á þessu verkefni. Þetta er auðvitað risastórt verkefni en það er hluti af púslinu um það hvernig við ætlum að byggja upp samgöngur á Íslandi. Það sem við erum að gera með samgöngusáttmálanum þar að segja,“ segir Sigurður í samtali við mbl.is að loknum ríkisstjórnarfundi í ráðherrabústaðnum í dag. 

Bjarni Benediktsson fjármálaráðherra sagði í Dagmálum á laugardag að kostnaður vegna samgöngusáttmálans væri slíkur að endurskoða þyrfti allar forsendur fyrir samkomulaginu. 

Frétt af mbl.is

Borgarlínan sett út af borðinu?

Verkefnið vaxið að umfangi

Sigurður tekur í svipaðan streng og Bjarni. Hann segir verkefnið hafa vaxið að umfangi eftir að það fór af skilgreiningar- og frumhönnunarstigi yfir á hönnunarstig og síðar framkvæmdarstig. Á sama tíma hefur samgönguvísitala hækkað um 30% sem hefur áhrif á öll verkefni á landinu. 

„Þannig að það er alveg eðlilegt að fara yfir þann hluta. Einungis umfangið af einstökum verkefnum kallar líka á endurskoðun á tímalínu, sem sagt út frá verkfræðilegum forsendum – hvernig er hægt að fara í svona miklar framkvæmdir á tíma,“ segir Sigurður og vísar til þess að árið 2019 var áætlað að verkefnin yrðu framkvæmd á næstu 15 árum. 

Frétt af mbl.is

Áhyggjur af sáttmálanum

Að því sögðu telur Sigurður ekki óeðlilegt að skoða framlengingu á sáttmálanum. 

„Þessu verður aldrei lokið 2033 eða 2034,“ segir hann. 

Um þessar mundir eru unnið að því að endurskoða sáttmálann og gerir Sigurður ráð fyrir að verkefnið muni skýrast í haust. 

Breyttar forsendur verkefnisins

Hafa forsendurnar breyst mikið frá því að samningurinn var gerður upprunalega?

„Já þær hafa breyst mikið. Fyrst og fremst í verkefninu sjálfu,“ segir Sigurður og nefnir sem dæmi Sæbrautarstokk. 

Upprunalega var verkefnið áætlað með stórum mislægum gatnamótum en nú er svo komið að verkefnið er orðið lausn sem verður ein forsenda Sundabrautar, segir Sigurður og þá er verkefnið orðið mun umfangsmeira. 

Frétt af mbl.is

Stokkur gæti farið í 24 milljarða króna

Staðið til í marga áratugi

Í þessu samhengi nefnir Sigurður einnig Arnarnesveginn. „Ef ég man rétt þá var kostnaður við hann svona 2,5-3 milljarðar árið 2019 en ég held að hann sé kominn í eitthvað um 6 milljarða,“ segir hann. 

Frétt af mbl.is

Tók fyrstu skóflustunguna á gröfu

Hvernig horfir gagnrýni íbúa á svæðinu við þér?

„Þetta er náttúrulega verkefni sem hefur staðið til í marga áratugi, ég held svona að ef menn setjast yfir heildarmyndina og sjá hvernig samgöngukerfi eiga að virka þá verður auðvitað að fylgja því eftir.

Eðlilega hafa einhverjir athugasemdir við það. Ég á nú von á því, að í gegnum ferlið, að það hafi þrátt fyrir allt verið tekið eitthvað tillit til þeirra,“ segir Sigurður að lokum. 

Tengdar fréttir

Borgarlínan

Bjóða út landfyllingar í Fossvogi

• Opna útboð vegna Fossvogsbrúar
• Þórey, Atli Björn og Rakel til Betri samgangna
• Fleiri hlynntir en andvígir borgarlínu
• Fjármagnskostnaður greiddur með umferðargjöldum

» Fleiri tengdar fréttir

Samgönguáætlun 2020 til 2034

Strákagöng lokast ef hlíðin fer

• Mæla ekki með göngum undir Reynisfjall
• Skólabörn skuli ekki þvera þjóðveginn
• Framkvæmdir vega þungt
• 92 milljarðar í almenningssamgöngur til 2038

» Fleiri tengdar fréttir

Samgöngusáttmáli höfuðborgarsvæðisins

Of mikil áhætta eða tímabærar úrbætur?

• Mikil áhætta fylgir sáttmálanum
• Verðum að tala okkur svolítið upp
• Hefði ekki lagst gegn samþykkt sáttmálans
• Lögðu fram bókun vegna samþykktar samgöngusáttmálans

» Fleiri tengdar fréttir

• Blogga um frétt