Mennirnir sem kveiktu í bíl lögreglumanns í síðasta mánuði eru grunaðir um að hafa tengsl við skipulagða glæpastarfsemi. Þetta staðfestir Ólafur Þór Hauksson héraðssaksóknari í samtali við mbl.is.

Ólafur segir sex hafa verið handtekna vegna rannsóknar héraðssaksóknara á íkveikjunni. Þrír eru grunaðir um hafa beina aðild að atlögunni og tveir um að hafa kveikt í bílnum sjálfum. Einum manni hefur verið sleppt úr haldi.

Ekkert gefið upp um þjóðerni

Ólafur gat ekki tjáð sig að svo stöddu um þjóðerni þeirra handteknu, en heimildir mbl.is herma að þeir séu ekki með íslenskt ríkisfang. 

Eins og mbl.is hefur fjallað um þá rannsakar héraðssak­sókn­ari Reykja­vík­ur hvort íkveikjan hafi verið fram­in í hefnd­ar­skyni vegna starfa viðkomandi lögreglumanns.

Rannsókn málsins er unnin í samstarfi við lögreglustjórann á höfuðborgarsvæðinu og ríkislögreglustjóra.

Frétt af mbl.is

Íkveikjan rannsökuð sem hefndaraðgerð

Tengdar fréttir

Skipulögð glæpastarfsemi

Átján ákærðir: Telja sig hafa höfuðpaurinn í haldi

• Brotastarfsemi tekið breytingum til hins verra
• Þakklátur viðbrögðum stjórnvalda
• Umsóknin heldur áfram í kerfinu
• Ráðherrar bregðast við ógn

» Fleiri tengdar fréttir

• Blogga um frétt