Heildarupphæð sem ríkið mun greiða í málaflokk trúmála nemur 8,95 milljörðum á næsta ári miðað við fjárlagafrumvarp sem fjármálaráðherra kynnti í gær. Nemur það 200 milljóna hækkun að nafnvirði, eða 2,1%. Sé hins vegar tekið mið af verðbólgu er um samdrátt að ræða, eða um 471 milljón.

Undir málaflokkinn falla útgjöld til starfsemi Þjóðkirkjunnar, kirkjumálasjóðs og kirkjugarða. Þá fellur einnig undir trúmál úthlutun sóknargjalda til skráðra lífsskoðunar- og trúfélaga.

Helstu breytingum í málaflokknum má skipta í tvennt. Annars vegar 383,5 milljóna lækkun framlags vegna tímabundinnar hækkunar sóknargjalda sem fellur niður. Þá nemur hlutdeild málaflokksins í aðhaldskröfu 100 milljónum, en það skiptist hlutfallslega milli kirkjugarða og sóknargjalda.

Stærstu lífsskoðunar- og rúfélög landsins eru Þjóðkirkjan, Kaþólska kirkjan, Fríkirkjan í Reykjavík, Fríkirkjan í Hafnarfirði, Ásatrúarfélagið og Siðmennt.

Tengdar fréttir

Fjárlög 2024

Álit AGS tekur ekki tillit til fjárlaga

• „Frumvarpið lýsir firringu gagnvart fólkinu í landinu“
• Fagna áherslum í frumvarpinu
• Vitum að opinberi geirinn „þarf að líta í sinn rann“
• Ný hjúkrunarrými hvergi að finna í fjármálaáætlun

» Fleiri tengdar fréttir

• Blogga um frétt