Áhugasamur um áfengislausan bjór
Setja bókamerki
Sveinn Waage hefur kynnt bjór og bjór- og matarpörun frá 2009 og segir að áhuginn á kynningu og námskeiðum sé mikill. „Við vorum með tvö námskeið á Sæta svíninu í haust og stefnan er að halda áfram eftir þorrann á næsta ári,“ segir hann. „Fólk hefur áhuga á bjór og bjórmenningin er allt önnur en hún var.“
Ölgerðin bauð upp á Bjórskólann í áratug frá 2009 og var Sveinn, sem var vörumerkjastjóri hjá fyrirtækinu, einn kennaranna, en auk hans kenndu Höskuldur Sæmundsson og Stefán Pálsson lengst við skólann. Sveinn byrjaði með námskeið um bjór- og matarpörun á veitingastaðnum Sæta svíninu í Reykjavík fyrir um fimm árum og hann og Stefán hafa auk þess tekið vel óskum um að heimsækja fyrirtæki og stofnanir og kynna leyndardóma bjórsins. „Við höfum verið með jólabjórahugvekju og jólabjórasmakk í mörg ár.“
Lesa má meira um málið í Morgunblaðinu í gær.
Borgarar flýja Teheran
Stórnotendur ekki að soga til sín orku frá heimilum
Verslunarfólk sameinast gegn ofbeldi og áreiti
Helgi Magnús lætur af störfum
Rigning þarf ekki að koma í veg fyrir hátíðarhöld
Fimm látnir og 92 særðir eftir árásir Írana
Komu lítið á óvart