Byggðaráð Norðurþings hafnaði í morgun kaupum á eigninni Stóragarði 1 á Húsavík. Útibú Íslandsbanka var áður til húsa að Stóragarði en hefur bankinn nú flutt aðsetur sitt. 

Mygla greindist í Stjórnsýsluhúsinu að Ketilsbraut nýverið og voru uppi hugmyndir um að bærinn myndi festa kaup á Stóragarði 1 og færa skrifstofur sínar þangað. 

Frétt af mbl.is

Mygla greinst í Stjórnsýsluhúsinu

Málið var til umræðu á fundi byggðaráðs 29. febrúar. Var þar bókað: „Fyrir byggðarráði liggur að taka ákvörðun um kaup á Stóragarði 1 fyrir stjórnsýsluhús. Tilboðið var gert með fyrirvara um samþykki byggðarráðs og hefur verið samþykkt af seljanda. Ráðið felur sveitarstjóra að afla frekari gagna og mun taka ákvörðun um kaupin á næsta fundi ráðsins 7. mars nk.“

Nú hefur byggðaráð tekið á ákvörðun um að festa ekki kaup á Stóragarði en mun halda áfram að fjalla um húsnæði stjórnsýslunnar á Húsavík á næstu fundum.

Tengdar fréttir

Mygla í húsnæði

Ekkert skilið eftir nema útveggirnir

• Stefndi skólanum vegna vinnuumhverfis
• Tölvupóstarnir fóru „í svarthol“ í Borgartúni
• Myglan hefur áhrif á verð og sölu
• Landsvirkjun selur höfuðstöðvarnar

» Fleiri tengdar fréttir

• Blogga um frétt