„Vagnarnir eru frábær viðbót við flota Strætó og ánægjulegt að sjá þá fara af stað,“ segir Jóhannes S. Rúnarsson, framkvæmdastjóri Strætó, um nýja rafvagna sem teknir voru í notkun í dag. Um er að ræða níu nýja strætisvagna sem keyptir voru frá Kína eins og eldri rafvagnar Strætó sem sagðir eru hafa reynst vel.

Í tilkynningu frá Strætó kemur fram að vagnarnir séu góð viðbót við flota Strætó og í samræmi við stefnu Strætó um kolefnislausan flota árið 2030. „Með þessum nýju rafvögnum eru nú rúmlega 30% af flota Strætó kolefnislaus sem er gott fyrir umhverfið og stefnir Strætó á að auka enn frekar við umhverfisvæna kosti á næstu árum,“ er haft eftir Jóhannesi. 

Vagnarnir eru hlaðnir í lok ferða eða á milli aksturs. Ljósmynd/Strætó

Vagnarnir munu aka leiðir 8, 22, 23 og 31 og fyrir leið 22 í Garðabæ þýðir þetta betra aðgengi þar sem rafvagnarnir eru stærri og notendavænni en þeir sem óku leiðina áður. Settar hafa verið upp hleðslustöðvar bæði upp á Hesthálsi 14 og í Ásgarði í Garðabæ og eru vagnarnir hlaðnir í lok eða á milli aksturs.

Tengdar fréttir

Strætó

Auglýsingaskjáir komnir í Strætó

• Fargjöld í strætó hækka
• Strætómiðinn dýrari eftir mánaðamót
• Rauða biðskýlið á hverfanda hveli
• Gekk í tvo tíma að Leifsstöð: Leigubíllinn of dýr

» Fleiri tengdar fréttir

• Blogga um frétt