Sumargjöfin „blaut tuska“ í andlit almennings
Setja bókamerki
„Þetta er ígildi fjögurra mánaða launahækkunar sem við vorum að semja um. Ef við setjum það í samhengi.“
Þetta segir Vilhjálmur Birgisson, formaður Starfsgreinasambandsins, um sumargjöf starfsmanna Íslandsbanka.
Allir starfsmenn bankans fá 100 þúsund krónur í sumargjöf og nemur heildarupphæð sumargjafanna því um 70 milljónum króna. Þess má geta að ríkið á 42,5 prósent hlut í bankanum.
Kemur ekki á óvart úr þessum ranni
„Þetta sýnir bara hvernig fjármálakerfið virkar. Það kemur svo sem ekkert á óvart þegar það er úr þessum ranni.“
Í samtali við mbl.is segir Vilhjálmur gjöfina ekki í anda þeirra markmiða um að reyna að gæta hófsemi til að stemma stigu við verðbólgu og vaxtahækkunum.
„En þetta kannski sýnir það að það er nóg til í fjármálakerfinu, þannig að þeir ættu nú að geta stigið skrefið og skilað því til neytenda,“ segir Vilhjálmur.
Bætir hann við að það séu viðskiptavinir bankans, sem hafi þurft að búa við okurvexti, sem skili bönkunum þessum gríðarlega hagnaði.
Vel í lagt
Kveðst Vilhjálmur ekki vita til þess að fyrirtæki hafi almennt verið að gefa sumargjafir. Vissulega tíðkist að gefa jólagjafir og jafnvel páskaegg, en 100 þúsund krónur í sumargjöf sé ansi óhefðbundið.
„Þetta er frekar blaut tuska í framan í viðskiptavini fjármálakerfisins að horfa upp á svona hluti sem að almennt tíðkast ekki.“
Mætti kalla þetta hræsni?
„Þetta er alla vega vel í lagt, svo ekki sé fastara að orði kveðið.“
Klúðrið á ábyrgð borgarinnar
Íbúar segjast varnarlausir
Vöruhús við Álfabakka: Fóru eftir vilja borgarinnar
Ætla að fara yfir hvað fór úrskeiðis
Kúluhús og klósett voru reist án leyfis
Staða Rússlands veikst gríðarlega
