Einn heppinn einstaklingur var með allar tölur réttar og vann 9,8 milljónir króna í Lottó. Miðinn var keyptur á vefnum lotto.is.
Bónusvinninginn unnu þrír að þessu sinni og fengu þeir rétt rúmar 150 þúsund krónur á mann. Tveir af þeim miðum voru keyptir í Lottó appinu og einn miði á lotto.is.
Þá voru fjórir miðahafar með 2. vinning í Jóker kvöldsins og fær hver þeirra 100 þúsund krónur. Einn var keyptur hjá Jóhönnu á Tálknafirði, einn á lotto.is, einn í appinu og einn var í áskrift.