Flokkur fólksins hyggst leggja fram vantrausttillögu á hendur ríkisstjórnarinnar í næstu viku.

„Það sem við stefnum á er að leggja fram vantraust á ríkisstjórnina sjálfa,“ segir Inga Sæland, formaður flokksins, í samtali við mbl.is. 

Hún hefur rætt við alla stjórnarandstöðuflokkana um fyrirhugaða vantrauststillögu og segir að það muni skýrast eftir þingflokksfundi á mánudag hverjir munu styðja tillöguna, en þingflokkar funda yfirleitt kl. 13 á mánudögum.

Frétt af mbl.is

Undirbúa vantrauststillögu á ríkisstjórnina

Þrír ráðherrar sérstaklega óþekkir

„Enda eru þrír ráðherrar í þessari ríkisstjórn alveg einstaklega lagnir við það að fara ekki á eftir lögum í landinu,“ bætir Inga við.

Inga á þar við um Bjarna Benediktsson, nýkrýndan forsætisráðherra og fyrrverandi fjármálaráðherra, Svandísi Svavarsdóttur, sem fór nýlega matvælaráðuneytinu yfir í innviðaráðuneytið, og Guðmund Inga Guðbrandsson, félags- og vinnumarkaðsráðherra.

Inga treystir ekki Bjarna vegna vanhæfis hans í tengslum við sölu á hlut ríkisins í Íslandsbanka, treystir ekki Svandísi vegna ólögmæts hvalveiðibanns í fyrra. Og treystir ekki Guðmundi Inga vegna brostinna loforða um stofnun embættis hagsmuna­full­trúa eldri borg­ara.

Stjórnarandstaðan treystir ekki ríkisstjórninni

„Enginn stjórnarandstöðuþingmaður sem ég hef heyrt í treystir þessari ríkisstjórn,“ segir Inga en hún kveðst aftur á móti ekki viss hvort flokkurinn geti einnig lagt fram vantrausttillögu á hendur Svandísi Svavarsdóttur innviðaráðherra, áður matvælaráðherra, „þar sem hún flúði á milli ráðuneyta.“

Það yrði þriðja skiptið á þessu ári sem vantrauststillaga er lögð fram á hendur Svandísi.

Frétt af mbl.is

Grafalvarlegt að Hvalur hf. bíði enn svara

Tengdar fréttir

Hvalveiðar

Hrefnuveiðar hefjast á Ísafirði í vor

• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna
• Ekki rætt um hvalveiðar
• Leyfisveiting á ekki að byggja á pólitískum grunni

» Fleiri tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Kolsvartar framtíðarhorfur.