Norska ríkið lagði fram greinagerð í áliti EFTA-dómstólsins þar sem íslenskir dómstólar leituðu álits hans á lánaskilmálum tveggja íslenskra banka. Álit dómstólsins var á þann veg að óskýrleiki lægi að baki vaxtaákvörðunum bankanna.  

Norðmenn eru í sambærilegri stöðu og Ísland hvað það varðar að landið stendur utan ESB en er aðili að EES og EFTA. 

Norðmenn sendu inn greinargerð í málinu sökum þess að þarlendir bankar eru að einhverju leyti með svipaða lánaskilmála og þeir íslensku.  

Frétt af mbl.is

Samningar ógagnsæir: Neytendur verða að skilja þá

Hefur áhrif á Norðmenn 

Jóna Björk Guðnadóttir, yfirlögfræðingur Samtaka fyrirtækja í fjármálaþjónustu (SFF), segir að hún geri ráð fyrir að álit EFTA-dómstólsins hafi áhrif á norska banka. 

„Noregur þarf að taka tillit til niðurstöðu ráðgefandi álits EFTA-dómstólsins líkt og Ísland,“ segir Jóna. 

Hún bætir því þó við að engin dómsmál séu í gangi í Noregi um skýrleika lánaskilmála. 

Tengdar fréttir

Breytilegir vextir fyrir EFTA-dómi

Ríkið gæti orðið skaðabótaskylt

• Munu áfrýja beint til Hæstaréttar
• Íslandsbanki hafði betur í vaxtamálinu
• Býst við „stórtíðindum“ úr héraðsdómi á næstunni
• Tugir bæst við málsókn gegn bönkunum

» Fleiri tengdar fréttir

• Blogga um frétt