Viðbragðsaðilar og jarðvísindamenn funda
Setja bókamerki
Gosórói var stöðugur í nótt og skjálftavirkni við Sundhnúkagígaröðina hefur verið lítil sem engin frá klukkan 14 í gær. Jarðvísindamenn og viðbragðsaðilar funda nú á áttunda tímanum um stöðuna.
Þetta segir Sigríður Kristjánsdóttir, náttúruvársérfræðingur hjá Veðurstofu Íslands.
Virknin í eldgosinu hefur dregist mikið saman frá því í gær og einangrast nú við nokkur gosop á sprungunni.
Lítið skyggni hefur verið við gosstöðvarnar í nótt og morgun og hefur því verið erfitt að fullyrða um hversu mörg gosop eru virk en í gærkvöldi voru þau um sex talsins.
Búast við frekari upplýsingum síðar í dag
Að sögn Sigríðar liggja enn ekki fyrir nákvæmar tölur um framleiðni eldgossins en búast má við frekari upplýsingum síðar í dag.
Í flugi vísindamanna yfir gosstöðvarnar í gær áætluðu þeir að framleiðnin hefði náð um 1.500 rúmmetrum á sekúndu þegar gosið stóð sem hæst. Um ónákvæmt mat er þó að ræða.
„Áverkar til að valda sársauka“
Landsréttur um Heiðar: „Á sér engar málsbætur“
Óþarflega illa talað um veðrið
Tekur tilkynningu Veðurstofunnar með fyrirvara
Málatilbúnaður stóðst ekki skýrleikakröfur
Móðir Dagbjartar: Mjög skýr, klár og ákveðin kona