Mesta virknin við gamla gíginn
Setja bókamerki
Mesta virknin í eldgosinu við Sundhnúkagígaröðina virðist nú vera við gíginn sem myndaðist í eldgosinu sem hófst 16. mars. Er hann um miðbik sprungunnar.
Fleiri gosop eru þó enn virk, þar á meðal norðarlega á sprungunni, en erfitt er að áætla fjölda þeirra sökum lélegs skyggnis við gosstöðvarnar.
Þetta segir Böðvar Sveinsson, náttúruvársérfræðingur hjá Veðurstofu Íslands.
Funda í dag
Gosórói hefur haldist nokkuð stöðugur í nótt og jarðskjálftavirkni verið lítil á svæðinu.
Benedikt Gunnar Ófeigsson, fagstjóri aflögunarmælinga hjá Veðurstofunni, sagði í gær við mbl.is að áætluð framleiðni eldgossins væri um 50 rúmmetrar á sekúndu. Um gróft mat var að ræða.
Böðvar segir engar frekari upplýsingar um framleiðni nú liggja fyrir.
Jarðvísindamenn og viðbragðsaðilar funda í dag um stöðuna. Eru nýjar upplýsingar hugsanlega væntanlegar í kjölfarið.
Vefmyndavél mbl.is sýnir gosopin sem mest virkni er talin vera í. Hana má nálgast í hlekknum hér að neðan.
Mikill viðbúnaður þegar tveimur var bjargað úr sjó
Sagðist ætla að fara frá Dagbjörtu
Landsréttur um Heiðar: „Á sér engar málsbætur“
/frimg/1/50/18/1501838.jpg)
Körturnar geta verið eitraðar hundum og köttum
Bæjaryfirvöld ekki staðið við samkomulag
Tekur tilkynningu Veðurstofunnar með fyrirvara
Stöðugt molnar úr hnjúknum á hæl Íslands
Ófyrirséð innherjasvik á markaði