Her­dís Heiða Jing Guðjohnsen er annar tveggja dúxa Fjölbrautaskólans í Garðabæ í ár en hún útskrifaðist á laugardaginn af tæknisviði náttúrufræðibrautar með 9,4 í einkunn.

Herdís hlaut einnig viðurkenningu fyrir góðan námsárangur í stærðfræði, eðlisfræði, raungreinum, tölvugreinum, íþróttum, ensku og íslensku, sem og fyrir góða skólasókn.

Spurð hvernig hún hafi farið að þessu segist Herdís hafa hlustað í tímum og verið dugleg að vinna verkefni jafnóðum í stað þess að fresta þeim fram á síðustu stundu. „Annars myndi ég segja að ég hafi ekkert verið að læra neitt ótrúlega mikið.“

Frétt af mbl.is

Fjölmennasta brautskráning frá upphafi

Herdís Heiða Jing Guðjohnsen og Birna Sól Guðmundsdóttir ásamt Kristni Þorsteinssyni, skólameistara FG. Þær útskrifuðust með jafnháa einkunn og urðu því báðar dúxar. Ljósmynd/Aðsend

Stefnir á nám í tölvunarfræði

Meðfram skóla hefur Herdís verið í hlutastarfi á veitingastað og æft skauta. Hún segir ekki hafa verið erfitt að samræma þetta náminu: „Ég náði einhvern veginn að skipuleggja mig þannig að ég hafði tíma fyrir allt.“

Í haust stefnir Herdís á nám í tölvunarfræði í Háskólanum í Reykjavík en í FG fór hún í nokkra áfanga í faginu og var mjög hrifin.

„Mér fannst það svo skemmtilegt að ég ákvað að skella mér bara í það í háskóla.“

Tengdar fréttir

Útskriftir

Sjúkraflutningaskólinn útskrifar 229 nemendur

• Dúxaði í MA með 9,83 í einkunn
• Myndskeið: Gleymdist á útskriftarathöfn HÍ
• Dúx FB segir blinduna ekki aftra sér
• Las 111 bækur í fyrra

» Fleiri tengdar fréttir

• Blogga um frétt