Bætur hækkuðu minna en leigan
Setja bókamerki
Húsnæðisbætur til leigjenda íbúðarhúsnæðis hafa hækkað mun minna en húsaleiga á síðustu sjö árum. Gildandi lög um húsnæðisbætur tóku gildi 1. janúar árið 2017. Frá þeim tíma og fram í janúar á þessu ári hækkuðu grunnfjárhæðir bótanna um 31,1%. Á sama tíma hefur undirvísitala greiddrar húsaleigu hækkað um 41,9%.
Þessar upplýsingar koma fram í svari innviðaráðherra á Alþingi við fyrirspurn frá Birni Leví Gunnarssyni alþingismanni.
Húsnæðisbætur eru greiddar mánaðarlega til að aðstoða fólk sem leigir íbúðarhúsnæði. Björn Leví spurði einnig hvernig grunnfjárhæðir húsnæðisbóta hefðu hækkað í samanburði við þróun launa, verðlags og efnahagsmála. Í svari ráðherra kemur fram að frá janúar 2017 til janúar 2024 hækkaði neysluverðsvísitalan um 39,1%, launavísitalan hækkaði á sama tímabili um 63,1% og landsframleiðsla á mann um 39,9% en grunnfjárhæðir húsnæðisbóta um 31,1% eins og áður segir. Frítekjumörkin hækkuðu á sama tíma um 59,8%.
Lesa má meira um málið í Morgunblaðinu í dag.
Ófyrirséð innherjasvik á markaði
Troða upp í minningu Steingríms
Guðrún um könnun Maskínu: „Þetta er agalegt“
Ekkert bólar á nýjum meirihluta
/frimg/1/50/16/1501697.jpg)
Íslendingar feimnari við að greina frá hættum
Nýtt húsnæði sprungið eftir árs starfsemi
Sagðist ætla að fara frá Dagbjörtu
Móðir Dagbjartar: Mjög skýr, klár og ákveðin kona