Lögreglan á höfuðborgarsvæðinu handtók karlmann á föstudag í tengslum við rannsókn á nokkrum tilvikum í Hafnarfirði í síðasta mánuði þar sem maður veittist að börnum.

Maðurinn var látinn laus úr haldi eftir yfirheyrslu. Málin eru enn óupplýst, að því er fram kemur í tilkynningu lögreglunnar. 

Frétt af mbl.is

„Verðum að treysta lögreglunni til að sinna sínu“

Málin í forgangi

„Eins og fram hefur komið jók lögreglan eftirlit sitt í Hafnarfirði vegna þessa og því verður fram haldið,“ segir í tilkynningunni.

Kemur þar enn fremur fram að málin séu í forgangi hjá embættinu og að allt kapp sé lagt á að finna þann sem þarna sé að verki.

Fengu ábendingu um helgina

Lögreglu hafa borist ýmsar ábendingar og er þeim öllum fylgt eftir. Ein slík ábending barst um síðustu helgi. Var þá greint frá manni sem hafði veist að barni eða börnum í verslunarmiðstöðinni Firði. Var maðurinn sagður hafa hrópað að þeim fúkyrði. 

Höfð voru afskipti af umræddum manni en hann er ekki með neinum hætti talinn tengjast áðurnefndum atvikum í bænum í maí, að því er fram kemur í tilkynningunni.

Tengdar fréttir

Börn áreitt í Hafnarfirði

„Þetta eru óupplýst mál“

• Fá daglega ábendingar frá fólki
• „Verðum að treysta lögreglunni til að sinna sínu“
• „Hugsanlega eru þeir fleiri en einn“
• Fengið ýmsar vísbendingar en maðurinn enn ófundinn

» Fleiri tengdar fréttir

• Blogga um frétt