Mesta kjörsókn það sem af er öldinni
Setja bókamerki
Þátttaka í nýafstöðnum forsetakosningum var um 80,8% sem er sú mesta frá kjöri Ólafs Ragnars Grímssonar árið 1996. Þátttakan var betri nú en árið 2016 þegar Guðni Th. Jóhannesson var kjörinn.
Birgir Guðmundsson, doktor í stjórnmála- og fjölmiðlafræðum við Háskólann á Akureyri, segir kjörsóknina endurspegla það að raunveruleg samkeppni hafi verið um embættið.
„Þar sem ekki var um endurkjör að ræða er nokkuð augljóst að áhugi manna er mun meiri, þar sem kjósendur búast almennt við því að sitjandi forseti nái endurkjöri,“ segir Birgir í samtali við Morgunblaðið.
Breið flóra frambjóðenda bjóði jafnframt upp á marga valkosti þannig að kjósendur ættu að geta fundið einhvern við sitt hæfi, segir Birgir.
Ef þátttakan nú er borin saman við kjörsókn í þingkosningum síðastliðinna ára er hún nokkuð svipuð. Kjörsókn í þingkosningunum árið 2021 var um 80,1%.
Lesa má meira um málið í Morgunblaðinu í dag.
Landris á sama hraða og fyrir síðasta gos
„Þarf að koma með hraustlega lækkun“
Átti að fá greitt fyrir skotárásina á aðfangadag
„Er kannski að gerast fullhægt“
Gul viðvörun vegna hvassviðris
Kannski allt of langur aðdragandi
Rannsókn lögreglu lokið: Óljóst um niðurstöðu
Launamenn byrja að fá útborgað í dag