Flestir vilja kalla Björn „forsetaherra“
Setja bókamerki
Mikið hefur verið rætt og ritað um það hvað kalla eigi Björn Skúlason, eiginmann Höllu Tómasdóttur, þegar Halla tekur við embætti forseta þann 1. ágúst.
mbl.is lagði fyrir lesendur könnun og vildu flestir að Björn yrði kallaður „forsetaherra“.
Alls voru 3972 svarendur í könnuninni og 32% svöruðu því að þeir vildu nota orðið „forsetaherra“ til að lýsa Birni. Þar á eftir kom titillinn „eiginmaður forseta“ sem 26,5% svarenda töldu vera besta valkostinn.
„Forsetamaður“ óvinsælasti valkosturinn
Allir aðrir valmöguleikar fengu undir 10% en óvinsælasti valkosturinn var „forsetamaður“ sem aðeins 4,3% svarenda vildu nota til að lýsa eiginmanni forseta.
Hingað til hefur „forsetafrú“ verið notað til að lýsa eiginkonum forseta en innan við 10% svarenda vildu nota það til að lýsa eiginmanni forseta.
Eru niðurstöður þessarar óvísindalegu könnunar því í takt við óvísindalegar kannanir sem Ríkisútvarpið og Vísir hafa framkvæmt en þar var „forsetaherra“ einnig vinsælasti valkosturinn af mörgum.
Reglubundnar ristilskimanir hefjast í ár
Gul viðvörun vegna hvassviðris
Getum farið að hafa væntingar um lækkun vaxta
Kannski allt of langur aðdragandi
Braut gegn andlega fötluðum konum og dreng
Verðbólgan í takt við væntingar
„Áverkar til að valda sársauka“