Náttúruverndarsamtökin Hvalavinir efna til mótmæla í kvöld vegna ákvörðunar matvælaráðherra að heimila hvalveiðar í sumar.

Í tilkynningu frá samtökunum er bent á að Bjarkey Olsen Gunnarsdóttir matvælaráðherra hafi gefið út leyfi Hvals hf. til að drepa 128 langreyðar í sumar.

„En að drepa einn einasta hval er einum hval of mikið,“ skrifa samtökin, sem segjast fordæma tilgangslausar og ómannúðlegar veiðar á hvölum og krefjast þess að Alþingi „hlusti á vilja þjóðarinnar“ og stöðvi drápin.

Frétt af mbl.is

Veitir Hval veiðileyfi aðeins í ár

Loka augunum fyrir þjáningu og dauða langreyða

Mótmælin verða haldin á Austurvelli kl. 19.30 í dag á meðan á eldhúsdagsumræður standa yfir á þingi.

„Ætla þingmenn að skunda í sumarfrí og loka augunum fyrir tilgangslausri þjáningu og dauða 128 langreyða?“ spyrja Hvalavinir, sem kveðast ekki ætla að gefast upp fyrr en búið er að banna hvalveiðar með öllu

„Takið með potta og pönnur, látum í okkur heyra!“

Tengdar fréttir

Hvalveiðar

Hvalurinn er ekki að éta neitt megrunarkex

• Ráðuneytið skammti mismunandi gögn
• Afrán hvala tvöfaldast á þessari öld
• Jón segist ekki skulda Bjarkeyju
• Hljómar eins og „Úlfur! Úlfur!“

» Fleiri tengdar fréttir

• Blogga um frétt