Laus úr haldi eftir hópslagsmál

Maðurinn sem var handtekinn vegna hópslagsmálanna í Kópavogi á mánudagskvöld var látinn laus úr haldi daginn eftir, að lokinni yfirheyrslu.

Frétt af mbl.is

Skorinn með hnífi í hópslagsmálum

Enginn annar hefur verið handtekinn í tengslum við málið og engin kæra hefur heldur verið lögð fram, að sögn Heimis Ríkarðssonar, lögreglufulltrúa hjá lögreglunni á höfuðborgarsvæðinu.

Maður var skorinn á hendi með hnífi í árásinni. Spurður nánar út í rannsóknina segir Heimir lögregluna eiga eftir að ná betur utan um það sem gerðist en að um einhvers konar ágreining hafi verið að ræða.

mbl.is/Eggert Jóhannesson

10 til 30 manns

Heimir kveðst ekki hafa nákvæma tölu yfir hversu margir slógust en fyrst var tilkynnt að þeir hefðu verið um 10 talsins. Í annarri tilkynningu sem lögreglunni barst var talað um rúmlega 20 manns og í enn einni var talað um 30.

Frétt af mbl.is

Alvarleg líkamsárás í hópslagsmálum í Kópavogi

Lögreglan lagði hald á hnífa og barefli sem voru notuð í slagsmálunum. Flestir sem tókust á eru menn í kringum tvítugt en sá yngsti er 17 ára.

• Blogga um frétt