Bjarkey Olsen Gunnarsdóttir, matvælaráðherra segir að eflaust þurfi að bæta við  orkugjöfum á Íslandi. Einnig þurfi að bæta nýtingu í kerfinu. Hún kveðst þó bjartsýn á nýja aðgerðaráætlun í loftslagsmálum og leggur þar áherslu á endurheimt votlendis. 

Blaðamaður mbl.is náði tali af Bjarkeyju á kynningu stjórnvalda á uppfærðri aðgerðaáætlun í loftslagsmálum fyrr í dag. 

Frétt af mbl.is

Beint: Uppfærð aðgerðaáætlun í loftlagsmálum kynnt

Endurheimt votlendis fyrir þing

Spurð út í eigin forgangsatriði innan aðgerðaráætlunarinnar kvaðst Bjarkey leggja áherslu á endurheimt votlendis og þá ekki síst á jörðum ríkisins.

„Þess vegna hyggst ég leggja fram þingsályktunartillögu á næsta þingi,“ sagði hún. 

Aðgerðaráætlunin felur í sér safn 150 loftslagsaðgerða. Það eru 100 fleiri en voru í aðgerðaráætlun ríkisstjórnarinnar árið 2018. 

Stjórnvöld hafa enn ekki náð tilsettum markmiðum frá 2018 og spurð eftir því hvort hún sé bjartsýn á að áætlunin takist sagðist Bjarkey vera það. 

„Það er ekkert annað í boði en að vera bjartsýn,“ sagði hún og bætti við að fjöldi aðgerða sé meðal annars tilkominn vegna bjartsýni.

Frétt af mbl.is

„Forveri minn bannaði ekki hvalveiðar“

„Ég held engu öðru fram“

Síðustu ár hafa til að mynda fiskmjölsverksmiðjur þurft að brenna olíu til að halda starfsemi sinni gangandi. Væri ekki lausn í þessum efnum að efla endurnýjanlegan orku á Íslandi og þá með til dæmis frekari virkjunum? 

„Það er alveg ljóst að við þurfum að bregðast við og ég tel að verið sé að gera það. Eflaust þarf að bæta við einhverjum orkugjöfum, ég held engu öðru fram, en við þurfum einnig að bæta nýtingu í kerfinu og flutninginn. Til þess að einmitt að hægt sé að nýta það sem ónýtt er í kerfinu,“ sagði Bjarkey. 

Tengdar fréttir

Loftslagsvá

Um 2.000 börn deyja daglega vegna loftslagsmengunar

• Vægast sagt ósanngjarnt að tala um ekkert samráð
• Aukinn samdráttur en ekki nóg miðað við markmið
• Bjartsýnn á að ná loftslagsmarkmiðum
• Segir nýja áætlun setja markið hátt

» Fleiri tengdar fréttir

• Blogga um frétt