Guðni Th. Jóhannesson forseti mun hefja störf á ný hjá Háskóla Íslands þegar hann lætur af embætti forseta.
Jón Atli Benediktsson, rektor Háskóla Íslands, tilkynnti um þetta á brautskráningu kandídata í dag.
„Við óskum Höllu Tómasdóttur til hamingju með kjörið og óskum henni velfarnaðar í þessu mikilvæga starfi. Á sama tíma bjóðum við fráfarandi forseta, Guðna Th. Jóhannesson, prófessor í sagnfræði, velkominn aftur til starfa við Háskóla Íslands,“ sagði Jón Atli.
Halla Tómasdóttir tekur við embætti forseta 1. ágúst.