„Lyktaði eins og öskubakki“
Setja bókamerki
Magnús Gunnarsson, framkvæmdastjóri Joe & the Juice, segir að talsverðar skemmdir séu vegna vatns og reyks á staðnum í Kringlunni eftir brunann þar í gær.
„Það virðast margir hafa lent verr í því en við en það á eftir að meta tjónið hjá okkur og tryggingafélagið mun gera það,“ segir Magnús við mbl.is.
Hann segir að það séu skemmdir á gólfefni veitingastaðarins enda hafi flætt töluvert vatn inn og að einhver tæki séu dottin út. Þá segir hann að töluvert af varningi staðarins hafi skemmst vegna reyks.
„Ég lyktaði eins og öskubakki eftir að hafa farið þarna inn í dag,“ segir Magnús, sem vonast til að geta opnað staðinn á þriðjudaginn eða síðar í vikunni. Hann segir að starfsmenn Joe & the Juice séu á leið í Kringluna í hreinsunarstarf.
Kringlan er lokuð í dag og á morgun en stefnt er að opnum verslunarmiðstöðvarinnar á þriðjudaginn.
„Þetta er auðvitað mjög alvarlegt mál“
Skortur á bílastæðum fælir frá
Geta gert samning um afnot af seldum húsum
Skrítið að enn er bara eitt úrræði í boði
Nauðsynlegt að áfrýja dómnum
Elta kínverskt skip vegna rofs á sæstrengjum
Mál Steinu aftur í héraðsdómi
