„Það er búið að skvettast vel upp úr gígnum í alla nótt en hraunjaðrarnir eru ekkert að færast í bili.“

Frétt af mbl.is

Ekki mikil hreyfing á hrauntungunni

Þetta segir Jóhanna Malen Skúladóttir, náttúruvársérfræðingur á Veðurstofu Íslands, í samtali við mbl.is en eldgosið við Sundhnúkagíga hefur nú staðið yfir í 19 daga, eða frá því 29. maí.

Jóhanna segir að í gígnum sé enn nokkuð stöðug virkni og í nótt hafi ekkert borið á hreyfingu á hrauntungunni við varnargarðinn.

Frétt af mbl.is

Dregið hefur verulega úr virkni gossins

Það er hægur vindur á svæðinu og segir Jóhanna að gasmengun geti borist yfir höfuðborgarsvæðið seinni partinn í dag en annars sé hún nokkuð staðbundinn við Reykjanessvæðið. Hún segir að í kvöld geti borist gasmengun yfir Selfoss og á fleiri staði á Suðurlandi.

Hægt er að fylgjast með gasmengun í rauntíma á vefnum loftgaedi.is

Tengdar fréttir

Eldvirkni á Reykjanesskaga

Tekur tilkynningu Veðurstofunnar með fyrirvara

• Veðurstofan bíður nú átekta
• Nýtt kvikuhlaup eða eldgos líklegt á næstu vikum
• Fjárfesting verði 75 milljarðar þegar yfir lýkur
• Landris á sama hraða og fyrir síðasta gos

» Fleiri tengdar fréttir

• Blogga um frétt