Kringlan ekki opnuð fyrr en á fimmtudag
Hreinsunarstarf gengur vel, að því er segir í tilkynningu.
mbl.is/Eggert Jóhannesson
Setja bókamerki
Kringlan verður ekki opnuð fyrr en á fimmtudaginn. Þetta kemur fram í tilkynningu frá Reitum fasteignafélagi.
„Hreinsunarstarf gengur vel í Kringlunni en til að tryggja að upplifun gesta verði sem best hefur verið ákveðið að opna ekki fyrr en á fimmtudag,“ segir í tilkynningunni.
Lágmarka tekjutap vegna brunans
Þar segir einnig að Reitir og Kringlan leggi höfuðáherslu á að aðstoða verslunareigendur við að lágmarka tekjutap sitt vegna brunans og gera þeim unnt að opna verslanirnar aftur sem fyrst.
Á fimmtudag er reiknað með því að þá verði búið að ljúka hreinsun og loka fyrir framkvæmdasvæðið.
Enn er hægt að versla á vef Kringlunnar en sendingakostnaður fellur niður á meðan lokun stendur yfir.
Umsóknum Sýrlendinga frestað
Blöðrurnar versta martröðin
Telur þöggun ríkja um vindmylluáform í Garpsdal
Flugslys í Bretlandi
Hátt í 30 stiga hiti á morgun
Kominn tími á að setja punkt í þingið