Farmiðinn í Strætó á höfuðborgarsvæðinu verður um 3% dýrari eftir mánaðamót og mun því líklega kosta um 650 krónur, frekar en 630 krónur. Seinast hækkuðu far­gjöld í janúar.

Jóhannes Svavar Rúnarsson, framkvæmdastjóri Strætó bs., staðfestir þetta í samtali við mbl.is. Gert er ráð fyrir að 1. júlí hækki gjaldskrá.

Fargjald Strætó bs. er hækkað tvisvar á ári og hækkunin er hluti af reglubundinni gjaldskrárhækkun sem tengist vísitölu neysluverðs. Frekari upplýsingar um gjaldskrárhækkanir munu að öllum líkindum liggja fyrir er nær dregur.

Framkvæmdastjórinn segir að vísitöluhækkunin nemi um 3,3% og má því gera ráð fyrir að fullorðinsmiðinn muni kosta um 650 krónur eftir þann 1. júlí, en í dag kostar miðinn fullorðna um 630 krónur.

Frétt af mbl.is

Strætó hækkar fargjöldin á ný

Átti ekki að halda aftur af gjaldskrárhækkunum?

Í nýja stöðugleikasamningnum er ákvæði um að ríki og sveitarfélög skuld­bindi sig til þess að draga úr gjald­skrár­hækk­un­um.

Flestir kjarasamningar sem undirritaðir hafa verið í Karphúsinu í ár byggja á þessum samningi. En byggðasamlagið á aftur á móti eftir að skrifa undir nýjan kjarasamning.

Var engin umræða að þið mynduð sleppa þessari hækkun, m.t.t. nýrra kjarasamninga?

„Við erum ekki enn búin að gera kjarasamninga við okkar félag [stéttarfélagið Sameyki],“ svarar Jóhannes.

„En við höfum bara markað þessa stefnu að taka vísitöluhækkanir til þess að halda í við. Því við erum langt undir launaþróuninni okkar.“

Frétt af mbl.is

Draga gjaldskrárhækkanir til baka að hluta til

Tengdar fréttir

Kjaraviðræður

Lýsa yfir stuðningi við kennara

• Formenn funda aftur með ríkissáttasemjara á morgun
• Formenn KÍ og SÍS funda með ríkissáttasemjara
• „Sýnum þessu börnum og ungmennum nærgætni“
• Komið „meira púður“ í viðræðurnar

» Fleiri tengdar fréttir

Strætó

Úrskurðarnefnd hafnar kröfu húsfélags

• Auglýsingaskjáir komnir í Strætó
• Fargjöld í strætó hækka
• Rauða biðskýlið á hverfanda hveli
• Gekk í tvo tíma að Leifsstöð: Leigubíllinn of dýr

» Fleiri tengdar fréttir

• Blogga um frétt