„Virðist vera búið í bili“
Setja bókamerki
Engin virkni hefur verið i eldgosinu við Sundhnúkagígaröðina frá því um hádegi í gær og gosinu, því fimmta á Sundhnúkagígaröðinni frá því í desember, virðist þar með lokið.
„Þetta virðist vera búið í bili en svo má alveg búast við því að við sjáum endurtekningu á atburðum síðustu mánaða og að það muni aukast þrýstingur aukist undir Svartsengi. Við höfum ekki alveg sagt skilið við þessa atburðarrás,“ segir Salóme Jórunn Bernharðsdóttir, náttúruvársérfræðingur á Veðurstofu Íslands, í samtali við mbl.is.
Seint í gærkvöld flæddi önnur hraunspýja yfir varnargarðinn og í kjölfarið voru slökkviliðsmenn af höfuðborgarsvæðinu sendir á vettvang í hraunkælingu.
Salóme segir að hraun sé að streyma meðfram varnargarðinum og við Sýlingafell vegna þunga hraunsins.
„Það er ekkert að bætast í en það er þungi hraunsins sem dregur það áfram. Það þarf að fá að jafna sig og finna jafnvægi,“ segir Salóme.
Tekur tilkynningu Veðurstofunnar með fyrirvara
„Áverkar til að valda sársauka“
Bæjaryfirvöld ekki staðið við samkomulag
Nýtt húsnæði sprungið eftir árs starfsemi
Stöðugt molnar úr hnjúknum á hæl Íslands
/frimg/1/35/4/1350480.jpg)
Covid-19 aftur á skrið