Frumvarp um breytingar á lögum um fæðingar- og foreldraorlof var samþykkt í dag á Alþingi.
Breytingarnar fela í sér hækkun á hámarksgreiðslum úr Fæðingarorlofssjóði.
Verða þær innleiddar í þremur áföngum en síðasta hækkunin tekur gildi 1. janúar 2026, að því er segir í tilkynningu.
Hækkunin á tímanum er úr 600.000 krónum á mánuði í 900.000 krónur. Fyrsta hækkunin er afturvirk frá 1. apríl á þessu ári.
Hámarksgreiðslur vegna sorgarleyfis hækka með sama hætti.