Barnamálaráðherra segir að ráðuneytið geti ekki beitt sér í máli Yazans Tamimi, 11 ára palestínsks drengs með hrörnunarsjúkdóm sem á að vísa úr landi í næsta mánuði. Ráðuneytið megi ekki stíga inn í mál einstaklinga.

Yaz­an er með duchenne-heil­kenni, sem er vöðvarýrn­un­ar­sjúk­dóm­ur. Hann og fjölskylda hafa búið á Íslandi í rúmt ár en þeim verður vísað úr landi í byrj­un júlí. Gerist þetta í framhaldi af því að kærunefnd útlendingamála synjaði hon­um um vernd hér á landi.

„Þetta mál er statt hjá dómsmálaráðuneytinu og stofnunum þess. Og við í raun höfum ekki heimild til að stíga inn í einstaklingsmál með þessum hætti, og höfum ekki gögnin til þess heldur. Heldur er það hjá stofnunum dómsmálaráðuneytisins,“ segir Ásmundur Einar Daðason, barnamálaráðherra.

Frétt af mbl.is

Palestínsku barni í hjólastól vísað á brott

Ásmundur Einar Daðason barna- og menntamálaráðherra. mbl.is/Eggert Jóhannesson

Undir lækniseftirliti

„Við tökum ekki einstaklingsmál til umfjöllunar. Það er hins vegar þannig að öllum stjórnvöldum ber að fara að þeim réttindum og skyldum sem eru í samfélaginu gagnvart málefnum barna og það á við í þessu máli eins og öðru. Við höfum undirgengið skuldbindingar Sameinuðu þjóðanna,“ bætir Ásmundur við.

Til stend­ur að senda fjöl­skyld­una til Spán­ar, en þar hef­ur hún held­ur ekki fengið vernd að sögn aðstand­enda.

Yazan var um helgina und­ir eft­ir­liti lækna á Barna­spítala Hrings­ins, þar sem hann neitaði að taka lyf sín í eftir að honum var tilkynnt um að hann þyrfti að yfirgefa landið.

Aðstandendur Yazans hafa sagt við mbl.is að drengurinn glími við mikið þunglyndi.

Frétt af mbl.is

„Bara gerið eitthvað strax – líf hans er í hættu“

Tengdar fréttir

Flóttafólk á Íslandi

„Bara gerið eitthvað strax – líf hans er í hættu“

• Palestínsku barni í hjólastól vísað á brott
• Bakgrunnur íbúa áfram að breytast
• Vísar gagnrýni Þorbjargar á bug
• Hælisleitendur á lífeyri

» Fleiri tengdar fréttir

• Blogga um frétt