Styrkja neyðarsöfnun fyrir börn á Gaza

BM Vallá mun styrkja neyðarsöfnun UNICEF á Íslandi fyrir börn á Gaza. Í tilkynningu segir að stuðningur fyrirtækisins sé mögulegur vegna samfélagssjóðsins Hjálparhellunnar. Viðskiptavinir BM Vallá spila veigamikið hlutverk við framlag til sjóðsins þar sem ákveðið hlutfall af ársveltu fyrirtækisins rennur í hann.

Undanfarin ár hefur BM Vallá verið í samstarfi við UNICEF á Íslandi og styrkt ýmis verkefni samtakanna um allan heim.

Í tilkynningunni kemur einnig fram að allur stuðningur við mannúðaraðstoð til barna á Gaza sé afar mikilvægur.

Ekki þarf að tíunda hörmungarnar sem börn á svæðinu hafa mátt þola undanfarna mánuði en Barnahjálp Sameinuðu þjóðanna hefur verið á vettvangi við afar erfiðar aðstæður við að koma neyðargögnum til barna og veita nauðsynlega mannúðaraðstoð.

Þriggja ára styrktarsamningur BM Vallár og UNICEF er hluti af langtímaverkefnum sjóðsins.

• Blogga um frétt